Летна бомба од Босфор: Фил Фоден за 70.000.000 евра!?

Галатасарај започна контакти со Манчестер сити во врска со можен трансфер на англискиот репрезентативец Фил Фоден, пренесоа денеска турските медиуми.

Според информациите на весникот “Fanatik”, претседателот на Галатасарај Дурсун Озбек му дал целосни овластувања на италијанскиот агент Джорджио Гуардијо да води преговори со челниците на англискиот клуб и да испита условите под кои трансферот би можел да се реализира.

Истиот извор наведува дека токму Гуардијо го предложил Фоден како едно од главните засилувања за истанбулскиот клуб. Италијанскиот агент во изминатите години учествувал во реализацијата на неколку звучни фудбалски трансфери во Галатасарај.

Според турските медиуми, Фоден влегува во последната година од договорот со Манчестер сити и наводно разгледува промена на средината поради помалата минутажа во текот на претходната сезона.

Галатасарај, како што е наведено, е подготвен да ја испита можноста за ангажирање на 26-годишниот играч од среден ред, чие пазарна вредност се проценува на околу 70.000.000 евра.

Сепак, медиумите оценуваат дека реализацијата на трансферот ќе биде исклучително предизвикувачка, бидејќи интерес за Фоден покажуваат и други водечки европски клубови, а финансиските услови за евентуалниот договор би биле голем предизвик за шампионот на Турција.