Возачот на Ферари, Шарл Леклер, е победникот на денешната трка од Формула 1 за Големата награда на Велика Британија, со што го забележа првиот триумф по октомври 2024 година.
Леклер ја забележа својатa деветта победа во кариерата на патеката Силверстоун, а второто место го освои домашниот возач и член на Мерцедес, Џорџ Расел.
Третата позиција ја освои тимскиот колега на Леклер, Луис Хамилтон, четврти заврши актуелниот светски шампион од Мекларен, Ландо Норис, а петтото место му припадна на возачот на Ред Бул, Исак Хаџар, додека неговиот тимски колега, Макс Верстапен, излета од патеката четири круга пред крајот, во моментот кога беше на третото место.
Водечки во генералниот пласман останува возачот на Мерцедес, Андреа Кими Антонели, со 179 бодови, кој денешната трка ја заврши на 16-тото место поради технички проблеми и казна од пет секунди поради пречекорување на границите на патеката.
Учество во игри на среќа е дозволено за лица со 18+ години. Играј одговорно!