Легендарниот болид на Шумахер ставен на аукција – ќе биде продаден за рекордна сума

Болидот со кој Михаел Шумахер победи на пет трки и седум пати беше на подиумот, Ферари 248 Ф1 од 2006 година ќе биде продаден на аукција.

Според информациите на медиумите се очекува легендарниот болид на славниот возач да достигне рекордна сума.

Кон крајот на 2007 година приватен колекционер го купи болидот директно од Ферари и до денес го задржа во беспрекорна состојба.

Рекордот во овој момент исто така го држи болид на Ферари од 2001 година кој беше продаден за 11.4 милиони долари.