Лампард по рецептот на Артета чекори кон Премиер лигата!

Френк Лампард ја демонстрира својата умешност на клупата на Ковентри!

Тимот кој го води е на врвот во Чемпионшип со 22 поени, и е единствениот непоразен во целата лига. Освен тоа, примиле само седум голови, додека во исто време дале цели 29.

Ковентри, под водство на Лампард, не е поразен во последните пет натпревари од првенството и токму одбраната е таа што го донесе овој успех на табелата.

Затоа е важно да се напомене дека и Арсенал оваа сезона се истакнува како лидер благодарение на својата непроодна одбрана.

Тимот на Артета прими само три гола во осум натпревари, додека Ковентри примил седум во 10 натпревари.

Инаку, последниот пат кога Ковентри играше во Премиер лигата беше во сезоната 2000/2001.