Шпанскиот репрезентативец Марк Кукуреља реши да го исполни ветувањето што го даде пред Светскиот куп, со трајно овековечување на лицето на селекторот Луис де ла Фуенте на своето тело.
Кукуреља тврдеше дека доколку Црвената фурија го подигне трофејот, ќе го направи ликот на селекторот на своја кожа. Откако последниот судиски звиждук означи крај на натпреварот и почеток на големата прослава на Шпанците, веќе немаше враќање назад.
Една недела по триумфот, Кукуреља ја реализираше својата намера. Во својот дом ги прими преставниците од познатиот студио Ganga, реномирани по своите хиперреалистични тетоважи кои ги изработува шпанскиот уметник Хоакин Ганга, заедно да подготват дизајнот.
¡Марк Кукурела нема да го заборави ветувањето!😅
— DAZN Fútbol (@DAZNFutbol) July 28, 2026
Шпанскиот бек СЕ ТЕТОВИРА ЛУИС ДЕ ЛА ФУЕНТЕ🔥
📹: @ceciarmy pic.twitter.com/HiVL8Bc3xe
Студиото наскоро ја покажа и првата скица — станува збор за исклучително голем и деталeн портрет на де ла Фуенте. Иако точната позиција сè уште не е потврдена, сите знаци укажуваат дека ова импресивно дело ќе добие централно место на грбот на Кукуреља.
Учество во игри на среќа е дозволено за лица со 18+ години. Играј одговорно!