Американската корпорација Фридкин Груп денеска и официјално стана мнозински сопственик на англискиот фудбалски прволигаш Евертон. Условите за продажба на Евертон на оваа компанија од страна на досегашниот сопственик Фархад Мошири и неговата компанија „Blue Heaven Holdings“ беа договорени уште во септември, а сега се и потврдени, па корпорацијата со седиште во Тексас стана 98.8% сопственик на Евертон.
Зошто проблемот со улични кучиња СÈ УШТЕ постои? | Уште еден поткаст
Евертон е вториот европски фудбалски клуб во сопственост на Фридкин Груп, кои претходно ја купија и италијанската Рома.
“Денес е посебен и горд ден за нас бидејќи станавме чувари на овој иконски клуб. Ние сме посветени да го водиме Евертон во возбудлива нова ера како на теренот така и надвор од него”, објави Марк Ватс, кој ќе ја преземе функцијата извршен претседател на клубот.
Досегашниот сопственик на Евертон, Фархад Мошири, во клубот пристигна во 2016 година кога купи 49.9% од акциите на клубот, а во јануари 2022 го зголеми својот дел на 94.1%. Под негово водство, екипата секоја сезона бореше значително за опстанок во Премиер лигата, па навивачите на Евертон ја поздравија продажбата.
Учество во игри на среќа е дозволено за лица со 18+ години. Играј одговорно!