Кој ќе биде тренер на Денвер од следната сезона?

Тренерот на кошаркарите на Денвер Нагетс, Дејвид Аделман, изјави дека не е сигурен дали ќе го задржи своето место и следната сезона.

Денвер ја заврши сезоната со пораз од Оклахома, а Аделман потенцираше дека неговиот тим имал можност да се избори за победа и да стигне до финалето на Западната конференција.

„Жал ми е за играчите кои дадоа сè од себе. Почнавме како што замисливме, но брзо се оттргнавме од вистинската патека. Го контролиравме темпото на почетокот и имавме двоцифрена предност, но не успеавме да продолжиме во истиот ритам. Сметам дека тука ја пропуштивме шансата“, нагласи Аделман.

Тој истакна дека не знае дали ќе биде тренер и следната сезона.

„Не е време да размислувам за тоа. Токму што ја загубивме седмата утакмица и сезоната заврши за нас. Властите ќе ја донесат одлуката. Благословен сум што ја добив оваа можност и ако не се вратам следната сезона, ќе го паметам ова цел живот. Ова беше неверојатно искуство“, заклучи Аделман.

Фотографија: Принтскрин