Сегашниот светски шампион во Формула 1, Холанѓанецот Макс Ферстапен ја освои пол-позицијата на последните квалификации за оваа сезона пред трката во Абу Даби.
Ферстапен дојде до најдобрата стартна позиција на патеката „Јас Марина“ со време 1:22.207, со предност од две десетинки пред Ландо Норис во болидот на Мекларен.
Особено треба да се истакне дека овој дуел, инаку главни кандидати за титулата, на утрешната трка ќе го следи и вториот возач на Мекларен, Оскар Пиастри, кој забележа заостанување од 28 милисекунди зад својот тимски колега.
Инаку, ова е првпат по 15 години пред последната трка од сезоната дури тројца возачи да имаат можност да ја освојат титулата светски шампион во рангирањето на возачите.
Трката за Големата награда на Абу Даби се вози утре со почеток во 14 часот.
Учество во игри на среќа е дозволено за лица со 18+ години. Играј одговорно!