Киеза не сака да си оди од Ливерпул

Италијанскиот репрезентативец Федерико Киеза им соопштил на раководството и тренерскиот тим на Ливерпул дека сака да остане во клубот и да се избори за стартно место, пренесуваат на Островот. Напаѓачот имаше тешка прва сезона, но сепак ја подигна шампионската титула со „црвените“.

Кјеза постигна важен гол за својот тим во победата од 4:2 против Борнмут во првото коло од тековната сезона на Премиер лигата.

Фудбалерот, кој пристигна во Ливерпул од Јувентус, ретко добиваше шанси за игра и последните месеци се појавија информации дека може да се врати во својата татковина.

Сега, сепак, работите изгледаат дека ќе се завртат во сосема различна насока, на што наговести не друг, туку самиот менаџер на Ливерпул Арне Слот.