„Ќе го киднапираме, јас ќе го возам автомобилот ако треба, затоа што тој мора да остане во нашиот клуб“

Бетис синоќа на свој терен ја победи Фиорентина со 2:1 во првиот меч од полуфиналето на Конференциската лига, а натпреварот го обележа спектакуларниот погодок на Антони. Бразилецот игра неверојатно од кога пристигна во Шпанија, и во Бетис „имаат план“ како да го задржат во својот тим.

Легендарниот Хоакин порача дека во клубот се подготвени и да го киднапираат Бразилецот само за да остане во клубот, што доволно покажува каква трага успеа да остави Антони за само неколку месеци.

„Ако треба да го киднапираме Антони, ќе го возам својот автомобил за да го направиме тоа, но тој мора да остане без разлика на се“, се нашали Хоакин синоќа.