Канте се враќа во Европа

Н’Голо Канте може да ја продолжи кариерата во Франција, откако интерес за него покажува новајлијата Пари ФК.

Договорот на 34-годишниот халф со Ал-Итихад истекува на крајот од сезоната. Засега, преговорите за неговото продолжување меѓу саудискиот клуб и играчот сè уште не се започнати.

Од Пари ФК имаат амбиција да го направат Канте централна фигура во нивниот проект. Сè уште не е јасно дали францускиот клуб ќе се обиде да го ангажира играчот во зимскиот трансфер период за трансфер сума или ќе почекаат до летото, за да го земат како слободен агент.

Канте има интерес и од други клубови од Саудиска Арабија.