Јувентус не престанува да троши, по Влаховиќ пристигнува напаѓач од 85 милиони евра?

Клубот од Торино внимателно ги разгледува опциите за замена на Душан Влаховиќ, чиј престој станува се понеизвесен бидејќи влегува во последната година од договорот, па многу имиња се споменуваат како потенцијални засилувања во нападот на “бјанконерите”.

Како што пишуваат медиумите во Италија, Јувентус планира да вложи 85.000.000 евра за доведување на Виктор Осимен како замена за Влаховиќ.

Нигерискиот напаѓач, кој во моментов игра за Галатасарај, постигна 24 гола во 27 лигашки натпревари, а иако Осимен има клаузула од 75.000.000 во договорот со Наполи, Јувентус е подготвен да понуди повеќе за да го обезбеди неговото доаѓање.

Покрај Осимен, Јувентус размислува и за Расмус Хојлунд од Манчестер јунајтед, како и за Адемола Лукман од Аталанта чија цена се проценува на околу 60.000.000 евра.

Фото: Grok AI