Jaник Синер не дозволи изненадување во Пекинг, но ја освои само третата титула сезонава

Италијанскиот тенисер Јаник Синер го оправда статусот на фаворит во Пекинг, освојувајќи го турнирот од серијата ATP 500 со победа во финалето над Лернер Тиен.

Младиот американски тенисер, кој е на 52. место на светската ранг-листа, не успеа да му се спротивстави на Синер, кој заврши со натпреварот за само 74 минути.

Светскиот втор рекет победи со 6:2, 6:2, со што ја освои својата 21. титула во кариерата и втора во Пекинг.

Интересно е што ова е само третата титула за Синер оваа сезона. Пред денешниот успех, Италијанецот освои два грен-слем турнири – Австралија Опен и Вимблдон, додека беше поразен во четири финалиња (Мастерс Рим, Ролан Гарос, Мастерс Синсинати и УС Опен).

Сите четири порази ги доживеа од Карлос Алкараз, кој, за среќа на Синер, не настапи во Пекинг туку во Токио, каде и го освои турнирот.