Инзаги нов рекордер во италијанскиот фудбал

Интер во текот на викендот го победи Лече со 4-0 и ја продолжи трката со Наполи за Скудетото.

Триумфот беше специјален за тренерот на „нераѕурите“, Симоне Инзаги кој на тој начин стигна до 200. победа во италијанскиот шампионат.

Инзаги до бројката од 200 победи во Серија А дојде во 332 натпревари и така го сруши рекордот кој го држеше Масимилијано Алегри на кого за 200 победи му беа потребни 338 натпревари.

Покрај за Интер, Инзаги седеше и на клупата на Лацио.