Интер заврши ново засилување за 30 милиони евра!

Интер започна со активности во трансфер периодот и во последните два дена официјално ги објави потписите на Александар Станковиќ и Иван Проведел.

Во редовите на шампионот на Италија се работи со полна пареа и така завршија уште еден потпис.

Станува збор за уште еден играч кој доаѓа од Белгија како и Станковиќ, но од Union Saint-Gilloise.

Анан Халали ќе ја зајакне позицијата десно крило кај Кристијан Киву во трансфер вреден 30 милиони евра – 25 милиони е фиксно, додека остатокот е преку бонуси.

Халали е Израелец и во Белгија пристигна пред две години од Макаби Хаифа, каде што и пораснал.

Во Лигата на шампионите одигра 8 натпревари за Union и постигна 3 гола. Од нив, еден беше во победата против италијанскиот претставник Аталанта со резултат 1:0. За белгискиот клуб вкупно одигра 99 натпревари и постигна 8 гола и 11 асистенции.