Хави Симонс „одлучи“ – Ништо од Арсенал, се договори со друг англиски гигант

Хави Симонс е еден од најталентираните фудбалери во моментов и ова лето е желба на многу европски гиганти.

Играчот самиот изјави дека не сака повеќе да игра за РБ Лајпциг бидејќи нема да учествува во Лигата на шампионите оваа сезона, и дека му е голема желба да игра на Островот.

Токму со екипите од Островот најмногу се поврзуваше холандскиот фудбалер, а главните зборови ги водеа Арсенал и Челси – лондонските ривали кои беа во трка за неговите услуги.

Како што известува реномираниот спортски новинар – Флоријан Плетенберг, повеќе нема дилеми и 22-годишникот сега целосно се определи за лондонските „сини“.

Сето укажува на тоа дека младиот Хави ќе биде нов играч на Челси од ова лето, и остануваат само деталите за да се постигне конечниот договор.