Гвардиола се изввини за своето однесување по поразот од Њукасл: Се чувствувам непријатно и засрамено

Менаџерот на Манчестер Сити Жозеп Гвардиола потврди дека екипата моментално го заборави поразот од Њукасл и е фокусирана на утрешниот дуел со Бајер Леверкузен, кој според Шпанецот е многу важен за премин во следната фаза на Лигата на шампионите.

„Родри и Ковачиќ не се подготвени за утре. Сите останати се на располагање. Родри не е далеку, но не сум сигурен кога точно ќе се врати. Ќе почекаме уште малку за да се увериме дека е добро.

Поразот од Њукасл моментално беше заборавен. Размислувавме за слученото, но сега од најголемо значење е да го изодиме патот кон следната фаза на Лигата на шампионите. Претстојат последните четири натпревари – два дома и два на гостинска почва. Утре играме против третиот во Бундеслигата и тоа е многу важен натпревар за да завршиме меѓу најдобрите 8. Ни треба победа, а потоа уште еден бод за да се квалификуваме во следниот круг,“ изјави Пеп на денешната прес-конференција.

Гвардиола утре ќе го запише својот натпревар број 100 во Лигата на шампионите, откако неодамна го одбележа илјадитиот натпревар во својата тренерска кариера. Еве што рече Шпанецот по овој повод: “Сфаќам дека стареам. Секој натпревар претставува некакво значајно настанување. Убаво е. Тоа значи дека секоја сезона сме биле во ова огромно натпреварување. Да се натпреваруваш со најдобрите екипи во Европа е неверојатно”.