Гвардиола признава: Тешко е без најдобриот

Вечерва Манчестер сити ќе се соочи со холандски Феенорд во рамките од 5. коло во Лигата на шампионите и избраниците на Пеп Гвардиола ќе се обидат во овој натпревар да ја прекинат серијата од пет порази во низа во сите натпреварувања.

Шпанскиот стратег никогаш претходно во кариерата не бил во ситуација да забележи пет неуспеси во серија, а како една од причините секако е отсуството на Родри.

Освојувачот на „Златната топка“ се повреди и за него актуелната сезона е завршена, Пеп признава дека без него на теренот работите одат потешко.

„Кога морате да играте без Родри кој беше избран за најдобар во светот секако е тешко. Тука се и другите повреди и во овој момент надвор од тимот се Ковачиќ и Рубен Дијас. Не сме во добра ситуација, но верувам ќе дојдат подобри денови во кои повторно ќе зборуваме за победи“, изјави Гвардиола.

Манчестер сити викендов го чека и еден од можеби најважните натпревари сезонава бидејќи „граѓаните“ гостуваат на Ливерпул кој е лидер на табелата со осум бода предност.