Менаџерот на Манчестер Сити на прес-конференција во пресрет на дербито со Манчестер Јунајтед ги објасни гребаниците предизвикани по натпреварот со Феенорд пред неколку недели.
Зошто проблемот со улични кучиња СÈ УШТЕ постои? | Уште еден поткаст
Гвардиола, кој се соочува со најголемата резултатска криза од почетокот на кариерата и оствари само една победа на последните 10 натпревари, денес со својот Сити ќе го пречека Манчестер Јунајтед со надеж дека ќе победи и така ќе го искористи киксот на Ливерпул кој вчера ремизираше со Фулам.
Лошите резултати се одразиле и на здравјето на самиот Пеп Гвардиола, а за време на мечот со Феенорд се изгреба по лицето и се појави полн со гребнатинки пред ТВ камерите.
Веднаш по тој натпревар, Гвардиола изјави дека сакал да се повреди поради лошиот резултат (3:3), но следниот ден им се извини на навивачите и објаснувајќи дека станува збор за шега и дека самоповредувањето никогаш не е опција.
Тој на денешната прес-конференција објасни како конзумира лекови за кожни проблеми.
“Имам проблеми со кожата долго време. Морав да пијам антихистаминици во последните две-три години. Да, го чешав носот со нокти, но проблемот е во кожата”, изјави Гвардиола.
Инаку, антихистамин е супстанца која предизвикува ослободување или дејство на биогениот амин хистамин во телото. Тие се користат во лекувањето на многу болести како што се алергиите.
Учество во игри на среќа е дозволено за лица со 18+ години. Играј одговорно!