Гвардиола има фаворит за наследник на Де Брујне!

Откако Флоријан Вирц ги одби, Манчестер Сити изгледа го пронајде наследникот на Кевин де Брујне во Франција.

Според информациите на Фабрицио Романо, лидерите на Сити започнале разговори со Лион за потенцијалната купопродажба на францускиот ас Рајан Черки.

Дваесет и еднагодишниот Черки, оваа сезона во 44 натпревари за Лион постигна 12 гола и 20 асистенции, и не е чудо што е интерес на најголемите европски клубови.

🚨🔵 Манчестер Сити воспоставија контакт за првични преговори за Рајан Черки како потенцијален №10.

Тој е на врвот на листата заедно со Морган Гибс-Вајт по отпаѓањето на договорот со Вирц, додека Черки е свесен за интересот на Ман Сити. pic.twitter.com/YvQPEXoumr

— Fabrizio Romano (@FabrizioRomano) May 29, 2025

Според Романо, Сити имаат и резервен план, во вид на фудбалер кој веќе долго време е ѕвезда на англискиот фудбал.

Имено, Морган Гибс-Вајт (25), кој оваа сезона во Премиер лигата постигна 7 гола и 10 асистенции, би можел да го напушти Нотингем Форест, а Сити е една од можните дестинации за него.