Гвардиола е 100% сигурен дека Родри ќе блеска повторно

Менаџерот на Манчестер Сити, Пеп Гвардиола е “100% сигурен” дека Родри ќе се врати во најдобрата си форма за тимот, пренесе ДПА.

Освојувачот на „Златната топка“ од минатата година неколку пати не успеваше да се врати стабилно во игра по сериозната повреда на коленото, која го лиши речиси целосно од натпревари во сезоната 2024-25. Шпанскиот репрезентативец повторно играше изминатиот викенд, но потоа го пропушти триумфот над Борусија Дортмунд во Лигата на шампионите.

“Јас сум сигурен 100% дека тој ќе се врати и ќе игра. Можеби ќе му треба малку време за да го достигне нивото на кое беше, бидејќи треба да одигра натпревари, натпревари, натпревари, но ќе го направи тоа”, изјави Гвардиола за својот сонародник.