Гринвуд си ја спасува кариерата, го сака гигант од Италија!

Мејсон Гринвуд повторно стана сензација во европскиот фудбал, но не само поради неговата игра на теренот. Додека статистиките за неговите настапи се импресивни, реакциите од јавноста, особено фановите, откриваат сосема поинаква приказна.

Според британските медиуми, Јувентус сериозно разгледува можноста ова лето да го ангажира англискиот напаѓач.

Гринвуд има извонредна сезона зад себе во дресот на Олимпик Марсеј.

Со постигнати 25 голови во сите натпреварувања, тој потврди дека е врвен стрелец

Неговите настапи не останале незабележани, така што интересот од големите клубови не е изненадување.

Сепак, неговата ситуација е многу посложна од обичен трансфер.

Фактот дека во најдобрите години од својата кариера игра надвор од најсилните лиги и клубови, зборува за контекстот што го следи.

Гринвуд го напушти Манчестер Јунајтед поради сериозни обвиненија кои привлекоа големо внимание од јавноста.

Тој беше обвинет за насилство врз неговата девојка, а објавувањето на снимки ја влоши перцепцијата за него.

Под голем притисок од фановите, Манчестер Јунајтед реши да го прекине својот договор со играчот.

Иако подоцна сите обвиненија беа повлечени, оваа ситуација остави длабоки траги врз неговата репутација.

Гринвуд се смири со девојката, сепак, перцепцијата кај јавноста не е целосно изменета.

Затоа, потенцијалниот трансфер во Јувентус не предизвикува само спортски анализи, туку и сериозни етички дискусии.

Навивачите на италијанскиот великан се поделени по прашањето на неговото доаѓање.

Еден дел верува дека неговите квалитети на теренот можат значително да го засилат тимот.

Други, пак, сметаат дека таков потег би донел непотребен негативен публицитет за клубот.