Готово: Сити го договори трансферот на Черки

Манчестер Сити и Лион постигнаа целосен договор за трансферот на Реан Черки. Според „Екип“ договорот е за 35 милиони евра, додека „Ди Атлетик“ тврди дека сумата е 40 милиони.

Фабрицио Романо прецизира дека точната распределба е 35 милиони евра сега плус шест милиони во форма на бонуси. 21-годишниот фудбалер ќе помине прегледи утре и ќе потпише договор на пет години, така што трансферот ќе биде завршен навреме пред затворањето на вонредниот прозорец пред Светското клупско првенство.

До тогаш се очекува Манчестер Сити да ги објави и трансферите на Тижани Рајндерс од Милан и Реан Аит-Нури од Вулверхемптон.

Реан Черки имаше одлична сезона со дресот на „хлапетата“ и постигна 12 гола и 20 асистенции во 44 натпревари. Тој беше прогласен и за најдобар дриблер во Лига 1 на Франција. Минатиот четврток дебитираше за националниот тим за време на полуфиналето во Лигата на нациите против Шпанија, каде блесна со гол и асистенција.

Полусредниот играч имаше договор со Лион само уште една година, што го лиши клубот од можноста да добие повисока трансферна сума за еден од најпродаваните свои играчи.