Го изненади Лапорта и ја предаде Барселона: Договараше нов договор, а потоа замина во ПСЖ

Претседателот на Барселона, Жоан Лапорта, го изрази своето незадоволство од одлуката на младиот талент да замине во Париз, иако претходно имале договор за продолжување на соработката со матичниот клуб.

Осумнаесетгодишниот офанзивен фудбалер Дро Фернандез, кој има договор до јуни 2027, е близу до трансфер во ПСЖ, кој ќе плати малку повеќе од откупната клаузула вредна шест милиони евра.

„За ова ќе разговараме кога сѐ ќе се реши, бидејќи ситуацијата беше непријатна“, истакна Жоан Лапорта за Каталонија Радио.

„Беше изненадување бидејќи имавме договор за друго решение за неговиот 18-ти роденден“, продолжи водителот на Барселона.

„Но, за наше големо изненадување, неговиот претставник нѐ информираше дека не може да го исполни тоа што претходно го договоривме“, односно продолжувањето на договорот со Барса.