Веројатноста Флоријан Вирц да премине во Ливерпул станува сè поголема. Во Баерн Минхен веруваат дека 22-годишниот играч на Бајер Леверкузен нема да пристигне кај шампионите на Германија, тврди “Атлетик”. Според информациите, фудбалерот ги информирал раководителите на баварскиот клуб дека ќе премине кај Ливерпул.
Зошто проблемот со улични кучиња СÈ УШТЕ постои? | Уште еден поткаст
Битката за потписот на Вирц е меѓу Ливерпул и Бајерн, откако Манчестер Сити се откажа од учество во неа. Последните тврдења се дека германскиот репрезентативец ги избрал Ливерпул.
Трансферот, сепак, е далеку од завршен, бидејќи сега Ливерпул треба да се договори со Бајер за трансферната сума, а од Леверкузен бараат сериозна сума за еден од најголемите таленти во европскиот фудбал, при што се споменуваат бројки од 150 милиони евра.
Минатата недела Вирц беше во Англија заедно со родителите, а тогаш Ливерпул му го претстави својот проект за иднината кој му се допадна на играчот. Напаѓачкиот среден играч има договор со Леверкузен до 2027 година, а во германскиот клуб се надеваат дека тој ќе го одложи своето заминување барем за една година. Заминувањето на Чаби Алонсо, кој станува тренер на Реал Мадрид, и очекуваното заминување на некои од клучните играчи може да ги превртат вагите.
Учество во игри на среќа е дозволено за лица со 18+ години. Играј одговорно!