Флик објави една добра и една лоша вест од кампот на Барселона

Тренерот на Барселона Ханси Флик изјави дека одличниот среден играч Педри ќе се врати на теренот на натпреварот против Алавес, додека стоперот Роналд Араухо нема да игра поради стомачни проблеми.

Фудбалерите на Барселона ќе го пречекаат Алавес денеска во 16.15 часот во 14. коло од Ла Лига.

Педри последен пат играше на 26 октомври во поразот од Реал Мадрид, по што доживеа повреда на левата нога, а Флик наведе дека шпанскиот репрезентативец ќе игра денеска, но нема да биде стартер.

Германскиот стратег додаде дека Араухо поради стомачни проблеми нема да може да биде во конкуренција за тимот, беше објавено на веб-страницата на клубот.

Флик истакна дека сите во екипата се чувствуваат лошо по поразот од Челзи со резултат 3:0 во Лигата на шампиони и рече дека е оптимист во врска со натпреварот со Алавес.

Барселона се наоѓа на второто место на табелата во шпанскиот шампионат со 31 бод, додека водечкиот Реал Мадрид има бод повеќе.