Две одлични вести за Ливерпул пред Жирона и пеколниот распоред

Арсенал и Манчестер сити направија кикс викендов, но тука не завршуваат добрите вести за “Редсите”.

Според англиските медиуми, Алисон Бекер и Диого Жота започнале редовно да тренираат со остатокот од тимот и извесно е дека ќе бидат во комбинација за гостувањето кај Жирона во Лигата на шампионите.

Што е уште поважно, се враќаат пред традиционално напорниот и пеколен период до крајот на 2024 година..

Ова е особено важно бидејќи некои важни играчи, како Конате и Конор Бредли, се надвор од игра и нема да играат до крајот на 2024 година.

Ливерпул гостува кај Жирона во вторник, потоа го пречекува Фулам, гостува кај Саутемптон во Лига купот, а потоа следуваат Тотенхем, Лестер и Вест Хем, сѐ до крајот на декември.

Значи, Алисон се враќа, а Жота ја засилува конкуренцијата во нападот, така што Ливерпул ќе биде уште посилен.