Дончиќ за трејдот во Лејкерс: Мислев дека е првоаприлска шега!

Лука Дончиќ првпат се обрати во јавноста во живо по размената во Лос Анџелес Лејкерс од Далас.

Дончиќ беше претставен на прес-конференција во Лос Анџелес од генералниот менаџер на Лејкерс Род Пелинка.

„Сите беа изненадени, па можете да замислите колку бев изненаден јас. Заспав и прво морав да проверам дали е први април. Не можев да поверувам, тоа беше шок, тежок момент, Далас ми беше дом. Особено ми беше тешко првиот ден. Сепак, ќе играм во најголемиот тим во светот и затоа сум возбуден“, кажа Словенецот.