Донарума се сели во Манчестер

Пари Сен Жермен го ставил Џанлуиџи Донарума на трансфер листа, објавија француските медиуми.

Причината е неуспешниот обид за постигнување договор за нова соработка. ПСЖ не сака да ризикува да го загуби голманот без обештетување во летото 2026 година, кога му истекува актуелниот договор.

Францускиот клуб го комплетираше трансферот на голманот на Лил, Лукас Шевалие и му порача на Донарума дека ќе биде резерва.

Интерес за Италијанецот покажуваат двата гиганти од Манчестер, а Донарума е заинтересиран за преселба во Премиер лигата.