Де Брујне кажал „да“ на Наполи

Кевин Де Брујне се согласил да премине во Наполи како слободен играч. Сега останува да се види дали претседателот на наполитанците Аурелио Де Лаурентис ќе ги задоволи финансиските барања на Белгиецот.

Доколку тоа се случи, сè уште не е јасно дали тој ќе потпише договор на две години со опција за три или директно на три, што е желба на играчот.

Де Брујне ќе го напушти Манчестер Сити по десет години во клубот. Имаше многу понуди за него. Тој реши дека нема да ја продолжи својата кариера во Премиер лигата, иако се спомнуваа имињата на Ливерпул и Астон Вила. Другата опција беше да игра во САД. По разговори со своето семејство, Белгиецот одлучи дека најдобриот избор е Наполи.