Денвер Нагетс победија со 112:101 на гости кај Далас, иако домашните имаа 19 поени предност на неполни 17 минути до крајот на натпреварот.
Ослабениот Далас, кој остана без своите две ѕвезди Лука Дончиќ и Ирвинг, водеше со 86:67 во осмата минута од третата четвртина. Сепак, до крајот на тој период Нагетс ја намалија негативата на 10 поени (89:79), а за неполни три минути игра во последниот дел од натпреварот целосно ја анулираа предноста на домаќините (91: 91).
Исхрана, повреди и тренинг – совети од доктор по спортска медицина | Уште еден поткаст
Гостите потоа тргнаа во серија од 11:2 до крајот на натпреварот и на крајот остварија убедлива победа. На Никола Јокиќ му недостасуваше уште една асистенција за уште еден трипл-дабл.
Српскиот центар на Нагетс натпреварот го заврши со 19 поени, 18 скока и девет асистенции. Расел Вестбрук додаде 21 поен, 10 скока и седум асистенции, а Џамал Мареј постигна 17 поени во новата победа на Денвер.
Учество во игри на среќа е дозволено за лица со 18+ години. Играј одговорно!