Жан Тод (72) е еден од ретките кој има пристап до Михаел Шумахер, а не е ниту член на поширокото семејство. Французинот е поранешен шеф на Шумахер во Ферари и поранешен прв човек на Меѓународната автомобилистичка федерација.
Тој редовно го посетува, Михаел кој настрада во 2013 година и од тој момент за неговата здравствена состојба се знае многу малку.
Поранешниот светски шампион во Формула 1 со месеци беше во кома, а потоа од болницата беше пренесен во неговиот дом, далеку од очите на јавноста.
Неговата сопруга не сака да открива информации за состојбата, па се појавуваат и вести кои не се вистинити. Никој освен неговите најблиски и Жан Тод не знае во каква состојба е легендарниот возач.
Последен кој јавно проговори е токму Тод за аргентинскиот „Ла Национал“, а неговите зборови не звучат ниту малку оптимистички.
„Време е да го пуштиме Михаел да живее во мир“, одговорил Тод на прашањето за состојбата на Михаел.
Потоа напомена и дека му е мило што има пристап до Михаел, како и дека здравјето на возачот е приватна работа.
Учество во игри на среќа е дозволено за лица со 18+ години. Играј одговорно!