Бостон и Кливленд поведоа со 2-0, Хјустон израмни против Голден Стејт (Видео)

Нoќеска во НБА лигата беа одиграни три натпревари од првиот круг на плејофот, во кои домаќините запишаа три победи.

Бостон го победи Орландо со 109:100 и се води со 2-0 во серијата. Џејсон Тејтум поради повреда го пропушти натпреварот, а одговорноста ја презеде Џејлен Браун, кој со 36 поени и 10 скокови ја водеше својата екипа до триумф.

Кливленд поведе со 2-0 против Мајами благодарение на победата од 121:112. До победата ги водеше одличниот Донован Мичел со 30 поени, 6 скокови и 6 асистенции.

Хјустон го победи Голден Стејт со 109:94 и израмни на 1-1 во серијата. Џејлен Грин постигна 38 поени за победничката екипа, додека на другата страна Стеф Кари немаше свој ден и постигна 20 поени со шут од игра 6/15.

Фото: Boston Celtics/FB