Белингем: Имавме среќа што примивме само три гола

ФУДБАЛЕРИТЕ на Арсенал со одлична игра на Емирејтс го совладаа Реал Мадрид со 3:0 во првиот натпревар од четвртфиналето на Лигата на шампионите.

По првото полувреме без голови, избраниците на Микел Артета постигнаа три гола во второто полувреме, а посебно се истакна Деклан Рајс, кој постигна два гола од директни слободни удари.

Конечниот резултат го постави Микел Мерино.

„Имавме среќа што примивме само три“

По натпреварот посебно се издвои Џуд Белингем со своите критички коментари. Англискиот играч од средниот ред призна дека Арсенал бил подобриот тим и изјави дека Реал може да биде среќен што примил само три гола:

„Имавме среќа што примивме само три. Сепак, ако некаков тим може да се врати по ова, тоа е Реал. Сега ни треба совршена, магична вечер во Мадрид.“