Белингам и одбраната го донесоа успехот на Реал Мадрид против Јувентус

Денес беше втората вечер од 3-то коло во Лигата на шампионите и се одиграа нови девет натпревари. Повторно бевме сведоци на спектакуларни судири и многу голови, но фаворитите го земаа своето и ги зацврстија позициите во табелата. Од сите дуели, само во еден гостинскиот тим стигна до победа. Тоа беше Ливерпул, кој го совлада Ајнтрахт Франкфурт со 5:1.

Со голот на Џуд Белингам во 57-та минута Реал Мадрид го надмина Јувентус со 1:0 дома во еден од најинтересните дуели од третото коло на основната фаза на Лигата на шампионите.

На тој начин рекордерот по трофеи од натпреварувањето продолжува без грешка, откако ги доби и претходните два натпревари. Италијанскиот гигант пак има само 2 поена.