Барселона остро му одговори на Реал Мадрид и Флорентино Перес

Барселона објави официјално соопштение во кое со остар тон одговори на последните изјави на претседателот на Реал Мадрид, Флорентино Перес, во врска со т.н. случај „Негреира“. Денеска кралскиот клуб исто така објави дека правната служба на клубот го доставила извештајот до УЕФА и инсистира на обновување на дисциплинската постапка против Каталонците.

Во одговор, од „Камп Ноу“ се обратија до претседателот на Ла Лига, Хавиер Тебас, претседателот на Шпанската фудбалска федерација, Рафаел Лусан, и претседателот на Техничкиот комитет на судиите, повикувајќи ги на правни мерки против Перес со цел заштита на интегритетот на Ла Лига.

“Претседателот на ФК Барселона, Рафаел Жусте, денеска испрати официјално писмо до претседателите на Ла Лига, Хавиер Тебас, на Шпанската фудбалска федерација (RFEF), Рафаел Лусан, како и на Техничката комисија на судиите (CTA), Франсиско Сото, во врска со изјавите на претседателот на Реал Мадрид, Флорентино Перес, дадени на 12 и 13 мај.

ФК Барселона смета дека овие коментари, освен што се невистинити, претставуваат сериозен напад врз честа и угледот на лигата, како и врз судиската заедница воопшто, и дека штетат на репутацијата и довербата во професионалниот фудбал во Шпанија.

Клубот енергично ги повикува организаторите на натпреварувањата и судиите да го заштитат угледот на своите организации, како што клубот неодамна направи со своето барање за помирување, и исто така ги повикува релевантните органи, во рамките на своите надлежности, итно да преземат неопходни координирани правни мерки против г-дин Перес за да ја заштитат честа, интегритетот и престижот на институциите што ги претставуваат и натпреварувањата што ги организираат.