Баерн остана со празни раце: Вирц испрати јасна порака до Минхен и го избра неговиот нов клуб

Иако се чинеше дека Флоријан Вирц ова лето сигурно ќе потпише за Баерн Минхен, дојде до голем пресврт и тој се предомисли и избра Ливерпул. Во Минхен се шокирани од она што се случуваше во последните часови и пораката што ја добија на полноќ од фудбалерот на Баер Леверкузен.

Без дилема, трансферот на Вирц ова лето ќе биде главна тема во фудбалската јавност, но малкумина очекуваа такви пресврти во одлуките на германскиот репрезентативец.

Вирц реши дека е време да го напушти Баер Леверкузен и да се обиде во друг клуб. Првиот што се јави беше Реал Мадрид и се чинеше дека Вирц сигурно оди во кралскиот клуб, посебно бидејќи и Хаби Алонсо од Леверкузен замина кон Мадрид.

Но, потоа во приказната се вклучи Баерн, поради што Вирц ги прекина преговорите со Реал и реши дека Минхен ќе биде неговата наредна дестинација.

Иако во Минхен веруваа дека Вирц е нивен, синоќа доживеаја вистински шок. Новинарот од Билд, Кристијан Фалк, објави дека нема ништо од доаѓањето на Вирц во Баерн и дека овој 22-годишник ги шокирал Баварците со својата порака.

Последните часови беа шокантни за Баварците бидејќи најпрво преку медиумите дознаа дека Ливерпул и Вирц сè договориле.

Фото: Принтскрин