Aгуеро: Меси прв пати, не знам зошто го критикуваат

Серхио Агуеро не ги разбири критиките упатени кон Лионел Меси поради неговите настапи за националниот тим на Аргентина.

Шесткратниот освојувач на Златната топка со Барселона ги освои сите можни трофеи, но со Аргентина ниту еден, беше светски вицешампион во 2014 година и вицешампионите на Копа Америка во наредните две години.

„Не ги разбирам оние кои го критикуваат, тој е прв кој пати, но и покрај тоа продолжува доаѓа“, изјави Агуеро.

Напаѓачот на Манчестер Сити има договор со „граѓаните“ до 2021 година, а јавноста го поврзуваше со враќање во неговиот матичен клуб Индепендиенте.

„Сега не размислувам за тоа, сите клубови се во проблеми поради она што се случува“, изјави 31 годишниот напаѓач.

Агуеро дресот на Сити го носи од 2011 година, претходно помина пет сезони во Атлетико Мадрид, за националниот тим запиша 97 настапи и постигна 41 гол.