Аталанта тргнува по Малдини

На Даниел Малдини не му беше лесно да се здобие со целосно фудбалско признание во дресот на Милан поради големата семејна традиција, но очигледно среќата ја најде во Монца.

Офанзивниот играч за врска од стартот на сезоната игра се подобро и подобро, стана и италијански репрезентативец, а тоа не остана незабележано кај тимовите на врвот на табелата во Серија А.

Еден од клубовите кои размислуваат за доаѓањето на Даниел Малдини е Аталанта, пренесува Фабрицио Романо.

Малдини минатото лето пристигна во Монца без обештетување, тимот е на последното место на табелата и испаѓањето од лигата е многу реално сценарио, што дополнително би го олеснило процесот на потписот на Малдини.

Милан се уште има 50% од следната продажба на Малдини, кој во моментов се проценува на 10 милиони евра.–