Арсенал се откажа од Шешко

Вицешампионот на Англија, Арсенал, во моментот не може да напредне во обидите да го доведе словенечкиот напаѓач Бенјамин Шешко, тврди германскиот новинар Флориан Плетенберг.

Според него, раководството на „топчиите“ нема намера да плати како што бара РБ Лајпциг помеѓу 80 и 100 милиони евра. Тоа е и една од причините зошто до сега нема официјална понуда од страна на клубот од Северен Лондон

Личните услови на Шешко исто така се уште не се утврдени, што претставува уште една пречка за реализирање на трансферот.

Резервната опција за Арсенал за централен напаѓач останува Виктор Ѓокереш. Во клубот се убедени дека ќе можат да ги осигураат услугите на шведскиот напаѓач за сума меѓу 60 и 70 милиони евра, но сè уште немаат јасност дали Спортинг Лисабон нема да бара повеќе. Откупната клаузула во договорот на Ѓокереш со Спортинг е 100 милиони евра.