Арбелоа ги пакува куферите: Познат е главниот кандидат на Перез за нов тренер

По испаѓањето од Лигата на шампионите од Баерн, јасно е дека Алваро Арбелоа ќе добие отказ на клупата на Реал Мадрид. Тој ќе ја заврши оваа сезона, втора по ред без трофеј, а потоа тргнува „ловот“ по нов тренер и неколку врвни имиња се во игра.

Реал Мадрид или поточно Флорентино Перез, започнал е потрагата по нов тренер. Алваро Арбелоа нема да остане на тоа место по сезоната без трофеј, па Кралевите во новата сезона ќе ги води некој друг.

Долга е листата на кандидати со кои Реал преговара. Се работи за големи имиња.

Главна желба на клубот е Јирген Клоп. Меѓутоа, и покрај сите информации кои пристигнувале во претходниот период, контакт и повик од Мадрид до германскиот стручњак не бил направен.

Идентична е приказната и со Зинедин Зидан. Поранешниот тренер на Реал конечно ја доби шансата да стане селектор на Франција, што го посакуваше со години, и речиси сигурно нема да го прифати повикот на Флорентино Перез.

Затоа сериозен кандидат е актуелниот селектор на Франција – Дидие Дешам. Тој ја напушта функцијата селектор на Триколорите по Светското првенство и е спремен да се врати во клупскиот фудбал.