Антонио од Вест Хем за тешката сообраќајка: Убеден сум дека повторно ќе играм фудбал

Mихaил Антонио, 34-годишниот фудбалер на Вест Хем и репрезентативец на Јамајка, добро се опоравува по тешката сообраќајна несреќа во која учествуваше на почетокот на декември минатата година.

„Никогаш во животот немав потешка повреда, но се опоравувам многу добро. Лекарите велат дека во моментот сум два или три месеци пред предвиденото закрепнување и сум уверен дека повторно ќе можам да играм фудбал“, изјави Антонио кој од 2015 година е член на Вест Хем.

На почетокот на декември минатата година Антонио беше учесник во сообраќајна несреќа во која тешко ја повреди ногата.