Анчелоти: Претседателот на Ла Лига премногу зборува за нас

Тренерот на Реал Мадрид Карло Анчелоти зборуваше пред утрешниот прв полуфинален натпревар со Реал Сосиедад. Реваншот е на “Бернабеу” на 1 април.

“Секогаш е тешко да се игра против Реал Сосиедад, ова е полуфинале и е важно за двата тима. Ќе биде изедначен и интересен натпревар, затоа што тие играат добар фудбал, а ние сакаме да продолжиме со нашата динамика“.

Анчелоти му одговори и на претседателот на Ла Лига Хавиер Тебас, кој го нарече Реал Мадрид “плачковци”: “Тој премногу зборува за Реал Мадрид. Откако сум тука… Тој не покажува почит кон многу мадридисти, кога зборува на тој начин. Има поважни прашања и тој треба повеќе да се фокусира на решавањето на проблемите на шпанскиот фудбал. Тебас рече дека се срами да е навивач на Реал Мадрид? Не знам колку е засрамен. Мислам дека секој е горд да биде фан на овој клуб”.