Аморим има катастрофална статистика во Манчестер јунајтед

Манчестер јунајтед иако вложи огромни средства во нови фудбалери ова лето, влезе во новата сезона со разочарувачки резултати. Наместо очекуваното враќање на победничките патеки, тимот повторно се соочува со притисок, а најмногу удари трпи тренерот Рубен Аморим, кој беше доведен како човек што треба да го врати сјајот на клубот.

Португалскиот стратег досега го предводеше Јунајтед на 29 натпревари во Премиер лигата, при што успеа да забележи само седум победи, седум ремија и дури 15 порази – бројки кои далеку не одговараат на амбициите на „Олд Трафорд“.

Новата сезона исто така започна несигурно: по поразот од Арсенал во првото коло, „црвените ѓаволи“ одиграа само нерешено против Фулам.

Фото: Принтскрин