Рубен Аморим е главниот кандидат за нов тренер на Бенфика, каде што треба да го наследи Жозе Мурињо, за кого се вели дека склучил двегодишен договор со Реал Мадрид. Ова би бил првиот ангажман на Аморим откако во јануари доби отказ во Манчестер Јунајтед, пишува talkSPORT.
Зошто проблемот со улични кучиња СÈ УШТЕ постои? | Уште еден поткаст
Заминувањето на Мурињо од Лисабон ги отвора вратите за враќање на Аморим во клубот, каде што помина значителен дел од својата играчка кариера. Претседателот на Бенфика, Руе Коста, наводно го цени Аморим високо, и покрај тоа што неуспешно се покажа во Манчестер. Коста беше спортски директор на клубот додека Аморим беше дел од Бенфика како играч.
Порано како можен наследник на Мурињо се споменуваше и тренерот на Фулам, Марко Силва, но сега таа опција не изгледа веројатна. Иако договорот на Силва со лондонскиот клуб истекува на крајот од сезоната, Фулам е сѐ поуверен дека Силва ќе го продолжи договорот.
Аморим (41) како играч мина девет години во Бенфика, на која се приклучи во 2008 година. Поранешниот играч од средниот ред настапи за клубот во 154 натпревари, постигна шест голови и забележа 14 асистенции. Со дресот на Бенфика освои 11 трофеи, вклучувајќи три титули португалски шампион, а кариерата како играч ја заврши токму во тој клуб во 2017 година.
Учество во игри на среќа е дозволено за лица со 18+ години. Играј одговорно!