Златан Ибрахимовиќ (44) повеќе нема пристап до соблекувалната на Милан. Според италијанскиот новинар Маурицио Пистоки, оваа одлука ја донесе тренерот Масимилијано Алегри, кој летово го презеде тимот на Росонерите.
Зошто проблемот со улични кучиња СÈ УШТЕ постои? | Уште еден поткаст
Ибрахимовиќ, кој моментално делува како советник на управата на Милан, минатата сезона беше исклучително активен и редовно присутен со тимот, вклучувајќи го и престојот во соблекувалната. Сепак, според последните информации, тоа повеќе не е случај.
„Постојат личности кои исчезнаа од секојдневните активности на Милан за кои никој не спомнува. Еден од нив е Ибрахимовиќ, на кој Алегри му забранил да ја посетува соблекувалната. Сега тој стои настрана и ја набљудува ситуацијата,“ наведува Пистоки.
Останува неизвесно колку долго Алегри ќе го води Милан, имајќи ја предвид променливата форма на тимот оваа сезона. По почетната битка за врвот на табелата, разликата во бодови со градскиот ривал Интер е сега 12 поени.
Дополнително, Милан се соочува со неизвесна борба за пласман во Лигата на шампионите, бидејќи шест кола пред крајот имаат пет бодови предност пред петопласиран Комо.
Учество во игри на среќа е дозволено за лица со 18+ години. Играј одговорно!