Aнчелоти вечерва испиша историја: Го прескокна Фергусон на вечната листа

Италијанскиот стратег Карло Анчелоти вечерва со победата на Реал Мадрид против Селтик испиша историја.

Анчелоти го прескокна Фергусон и од вечерва е тренерот со најмногу победи во историјата на најелитното европско натпреварување. Во Лигата на шампионите Анчелоти има 103 победи, зад него остана Фергусон со 102 победи.

Треба да се спомене дека за „Опта“, специјализираниот институт за статистика Анчелоти вечерва се израмни со Фергусон затоа што не ја сметаат победата на Милан против Интер во сезоната 2004/2005. Тогаш натпреварот беше прекинат поради дивеење на навивачите на Интер и Милан службено ја доби победата.