Aнгеловски: Зошто да не бидеме втори? Оваа репрезентација има квалитет!

Македонија вчера ги доби групите во квалификациите за СП 2022, а после ждребот зборуваше и селекторот Игор Ангеловски.

И Ангеловски секако истакна дека Германија е апсолутен фаворит и тешко е и да се помисли дека било која репрезентација може да им направи проблем и пред нив да го освои првото место.

„Полесна група не можевме да добиеме, можеше само потешка. Јас повеќе сакав да играме во група со пет репрезентации затоа што не чека и настап на Европското првенство. Германија секако е апсолутен фаворит, но верувам дека ние имаме реални шанси да се бориме за бараж“.

„Романија и Исланд се квалитетни репрезентација, Ерменија исто така, двапати губиме на гости од нив. Но секако дека можеме да се надигруваме и да бидеме и подобри. Зошто да не бидеме втори? Ние се пласиравме на Еп, но сигурен сум дека овој тим има уште простор за напредок и подобри резултати“, изјави Ангеловски.