Aлегри му поставил услов на Јунајтед – веднаш или ништо од договор!

Масимилијано Алегри му постави интересен услов на Манчестер Јунајтед.

Алегри од поодамна се споменува како потенцијален менаџер на Манчестер Јунајтед, но раководството на тимот се уште му верува на Оле Гунар Солскјер.

Сепак бидејќи резултатите се се полоши, Солскјер на скоро би можел да добие отказ, а Алегри е главен кандидат за превземање на клупата на англискиот гигант.

Меѓутоа италијанскиот стратег постави јасен услов. Работата ја сака веднаш, односно во наредните неколку недели (две до три) или од договорот нема да има ништо.

Ќе видиме дали на крајот Италијанецот ќе седне на менаџерската позиција во Јунајтед. Солскјер е врзан со договор на три години и негово заминување би значела голема оштета која клубот ќе мора да ја исплати.

Ќе потсетиме, „Дејли Мејл“ утрово објави дека Јунајтед е заинтересиран и за Јулијан Нагелсман.