Претседателот на ФИФА е против натпревари од Примера во САД

Претседателот на ФИФА, Џани Инфантино е против натпревари од шпанското првенство да се играат во САД.

Проектот се приближува кон крајот и треба да стартува со натпреварот меѓу Џирона и Барселона во јануари.

„Би сакал да гледам голем натпревар од МЛС, наместо средба од Ла Лига во САД. Општите принципи на фудбалот се состојат во тоа дека натпреварите од домашните првенства се играат на домашна сцена, а не во странска земја“, изјави Инфантино кој е во посета на САД.

Претседателот на Ла Лига, Хавиер Тебас кој е главниот иницијатор на идејата веднаш му одговори на Инфантино.

„Ќе го потсетам претседателот на ФИФА дека во МЛС се натпреваруваат три клуба од Канада, и актуелниот шампион Торонто исто така е од таа земја, иако во Канада има професионална лига“, изјави Тебас.